• سیلاف بۆ شوێنی پیتەر هۆربێری کە وەک جێگری سەرۆکی باڵای دیزاین لە گروپی لۆتۆس دەستنیشان دەکرێت

  6ی ئەیلولی ساڵی 2021، یۆتۆبۆری/هانگژۆ.. ستیفان سیلاف وەک جێگری سەرۆکی کۆمپانیای گڵۆباڵ دیزاین لە کۆمپانیای جیلی ئۆتۆ (گروپی جیلی) دەستنیشانکرا. ستیفان شوێنی پیتەر هۆربێری دەگرێتەوە کە وەک جێگری سەرۆکی باڵای دیزاین پەیوەندی بە گروپی لۆتۆسەوە دەکات. ستیفان کە بنکەکەی لە شاری یۆتۆبۆری سوید دەبێت، زیاتر لە 30 ساڵ ئەزموونی دیزاینی ئۆتۆمبێل دەهێنێتە کۆمپانیای جیلی و سەرپەرشتی پۆرتفۆلیۆی گروپی ئۆتۆمبێلی جیلی دەکات لە براندەکان لەوانە جیلی ئۆتۆ، لینک ، و جیۆمێتری و هتد و هەروەها پشتگیری لە پەرەپێدانی براندی EV پریمیۆم وZeekr دەکات، ستیفان پێشتر لە ستۆدیۆکانی دیزاین لە ئۆدی و مێرسیدس و گروپی ڤۆڵکسواگن و هتد کاری کردووە، لە ساڵی 2015 ستیفان بووە بەڕێوەبەری دیزاین بۆ کۆمپانیای بێنتلی مۆتۆرز. پیتەر هۆربێری بەشدارییەکی بەرچاوی کردووە لە پەرەپێدانی گروپی ئۆتۆمبێلی Geely. پیتەر لە ساڵی 2011 پەیوەندی بە گروپی ئۆتۆمبێلی جیلی کرد وەک جێگری سەرۆکی جێبەجێکاری دیزاین کە تێیدا سەردەمی بەرهەمەکانی جیلی 3.0ی دروستکرد کە زمانێکی دیزاینی متمانەپێکراوی ناساند کە یارمەتیدەر بوو بۆ پێناسەکردنەوەی جیلی لە ئاستی جیهانیدا. لە ڕێگەی دروستکردنی تۆڕێک لە ستۆدیۆکانی جیهانی جیلی دیزاین لە سوید، ئیسپانیا، چین و ئەمریکا، پیتەر توانی پشتگیری لە پەرەپێدانی براندەکانی Lynk & Co، Geometry، و Zeekr بکات، کە هەموویان سەرکەوتنێکی بەرچاویان بەدەستهێناوە . بەڕێز ئەندی ئان کۆنگوی، سەرۆکی گروپی جیلی هۆڵدینگ و بەڕێوەبەری جێبەجێکاری کۆمپانیای تەکنەلۆژیای زیکر وتی: “ئێمە زۆر پێزانینمان هەیە بۆ بەشداریکردن و خۆبەخشی پیتەر هۆربێری بۆ کۆمپانیای جیلی لە ماوەی دەیەی ڕابردوودا. پیتەر سەرکردایەتی یەکێک لە داهێنەرترین تیمە جیهانییەکانی لە پیشەسازی ئۆتۆمبێلدا کرد و یارمەتی کۆمپانیای جیلی دا بۆ پێناسەکردنەوەی وێنەی براندەکەی لە ئاستی جیهانیدا. لە هەمان کاتدا ئێمە بە گەرمی پێشوازی لە ستیفان سیلاف دەکەین بۆ خێزانی جیلی، ئێمە پێمان وایە کە ئەزموونی چەندین ساڵەی دیزاینکردنی زیاتری پۆرتفۆلیۆی براندەکانی گروپی ئۆتۆمبێلی جیلی بەرز دەکاتەوە بە ئامانجی دابینکردنی بێسنووری باشترین بەرهەم بۆ بەکارهێنەران.”